【畀啲愛情語錄害死！】
可能大家睇唔出，我係一個感性嘅人。
有日無意中睇過網上一篇愛情語錄，我睇完當場虎軀一震：
『著緊你的行蹤，著緊你的朋友，著緊你的手機訊息。
因為愛你，才會怕失去你。』
令我震驚嘅原因，係我發現女朋友豆姐，佢一啲都唔著緊！
例如佢從來唔睇我手機訊息，我同邊個出街食飯，夜晚返唔返屋企，佢都完全唔過問…
有一次，我終於都忍唔住要問佢：
「點解你唔問吓我著到咁型棍，Gel晒頭咁同邊個去食飯？」我。
「有咩好問？」豆姐。
「可能我同女仔去食飯呢？」
「咁就算我問咗你，你要偷偷地去，你都會講大話呃我嫁啦。」
「咁、咁又係…」
「吖係啊，仲有呢～」
「咩？」
「你無你自己想像中咁型仔…」
「……」
豆姐依舊愛理不理咁，但我心入面既不安，就日益擴大。八卦係女仔嘅天性！佢無可能唔擔心㗎，相信佢只係扮傲嬌啫～
於是我有次喺屋企食食吓飯，不經意咁擺部手機喺飯桌，然後扮肚痛去廁所。
入到廁所，我再用預先收起褲袋嘅「工作用手機」send msg畀自己！
睇下豆姐會唔會偷睇，然後問我係邊個嚟！
我入到廁所，開始狂send 情慾短訊畀自己。
「親親～」
「好想念你～」
「好想見你～」
突然間！廁所門砰一聲打開，豆姐衝咗入黎！！
嘩哈哈哈哈哈！我期望嘅畫面出現喇！！
點知豆姐同我講：
「你做乜狂send msg畀自己？」豆姐。
「我、我…無啊！」我死口唔認
「仲扮野？」豆姐。
豆姐拎住我部電話，展示畀我睇…
原來我唔記得幫「工作用手機」改返個女仔名，結果手機彈出既訊息通知就顯示：
「工作用手機」發你一條訊息
『親親～』
「工作用手機」發你一條訊息
『好想念你～』
「工作用手機」發你一條訊息
『好想見你～』
「工作用手機」發你一條訊息
『人家在洗澡啦要不要看～』
事到如今，我唯有老實同女朋友講：
「點解妳唔擔心我出去偷食！！」我。
「有乜好擔心？我信任你，先唔睇你手機，你出去食飯從來唔問咋。」豆姐。
「但你唔會有少少驚咩？」
「信任係要兩個人去建立嘅，我處處擔心，你又辛苦，我又辛苦，倒頭來只會破壞兩個人之間既信任。」
「唔係喎…但係呢，我好多女讀者，不如你睇下我手機。」
「唔睇啊！」
「求下你睇啦！」
「唔想睇啊，咪煩我啦！」
豆姐講得岩，兩個人ｏ係埋一齊，就算你有車有樓，或者係韓星Oppa樣都好，如果之間無信任，又點行落去？
（btw…成日都話風流嘅男人無安全感，原來唔呷醋嘅女人，先最無安全感！）
＝＝＝＝＝＝＝
故事就講完，大家可能無我咁誇張，但「信任」兩個字，得來不易。
兩個人想一齊行落去，除咗本身有互信基礎，隨住時間及經歷，信任更會一點一滴累積，與日俱增。
就好似永明金融咁，佢哋一直堅守同客戶嘅承諾，仲有貼心又創新嘅服務，唔怪得咁多長期客戶。睇睇客戶真實個案就知：https://bit.ly/2wU2ycK
#SunLifeHK #要信任
Search